Бојадисување јајца со вино – старинска техника за прекрасна виолетова боја со светкав ефект
Бојадисувањето јајца во вино не е модерна техника – уште одамна ја користеле монасите во манастирите, познати и по производството на квалитетно вино.
Во времиња кога боите и налепниците не биле достапни, верниците се снаоѓале со природни методи на бојадисување велигденски јајца.
Бојадисувањето јајца во вино не е модерна техника – уште одамна ја користеле монасите во манастирите, познати и по производството на квалитетно вино.
Виното, како пијалак со сиболика во христијанството, е поврзано и со првото чудо на Исус Христос – претворањето вода во вино.
За оваа техника ви се потребни неколку состојки: јајца, црвено вино, сол и шеќер – а резултатот е неодолива темновиолетова боја со светкав ефект.
Постапка:
Ставете ги јајцата во тенџере и покријте ги со црвено вино (важно е да бидат целосно потопени). Додадете по една лажица сол и шеќер. Кога ќе зоврие виното, варете уште 5 минути, потоа тргнете го тенџерето од оган и оставете ги јајцата да отстојат најмалку 12 часа, најдобро преку ноќ.
По вадењето, ќе ве воодушеви длабоката виолетова нијанса и ефектот налик на песок, создаден од кристалите сол и шеќер.
Фарбањето јајца е еден од најубавите велигденски обичаи, традиционално се практикува на Велики петок, најчесто во црвена боја која ја симболизира Христовата крв – но оваа виолетова варијанта е подеднакво убава и инспиративна.
