Барби издание со кое потврди дека е вистинска модна камелеонка
Блејк Лајвли беше почесна гостинка на хуманитарниот настан во организација на „Baby2Baby“ која на децата до година дена и нивните родители кои не се во најдобра финансиска ситуација им нуди егзистенцијална помош како што се пелени, храна и облека. Денот на мајките кој во Америка се слави на 10 мај беше вистинска прилика познатата актерка да ја покаже својата хуманост и солидарност, особено затоа што и самата има две деца со сопругот Рајан Рејнолдс.
Блејк на хуманитарниот настан што се одржува во Бруклин со својата препознатлива руса коса изгледаше како Барбика.
Блејк носеше ретро фустан со потписот на британската дизајнерка Џени Пакам, а своето женствено издание го заокружи со големи пластични обетки направени од големи алки во две бои од брендот „Lucite“ и тренди жолти сандали со неодоливи панделки кои ги потпишува омилениот дизајнер на познатата актерка, Кристијан Лобутин.
