Елегантно здолниште, скапоцена ташна и секојдневни чизми? Кога е во прашање Блејк Лајвли, сѐ е возможно!
Колку и да сакаме проверена класика и едноставни комбинации кои можеме да ги копираме во секој момент, толку сме и воодушевени кога некој ќе спои нешто што ни изгледа неиспоиво, а притоа ќе изгледа како најстилска личност. Секако дека станува збор за шармантната Блејк Лајвли, која има храброст да експериментира и со боите и со дезените.
Така пријатно нѐ изненади и со овој стајлинг кој може да го ископирате во овие есенски денови.
Миди здолниште под колена со необичен дезен во комбинација со бордо чизми е вистински погодок, а убавата Блејк не се плашеше целокупниот аутфит да го надополни со марама околу врат и необична ташна од модната куќа Диор. Иако сме навикнати да ја гледаме со плава коса, овој пат убавата актерка изгледа реши да пропушти некоја посета кај нејзиниот фризер и ја пушти својата природна боја на коса.
