Благојчо повторно се огласи, им постави прашање на политичарите: „На кој погреб да одам попрво?“
„На кој погреб да одам попрво?“, ги прашува ова лице скршено од болка министерот и политичарите
„Пола фамилија ми ја иселивте, пола вашиот систем ја уби“, вели Благојчо на Фејсбук чие видео вчера по несреќата беше вирално на социјалните мрежи
На ова лице во пожарот во шталата, како што тој ја вика дискотеката, на која некој и дава дозвола, загинал братучед му спасувајќи други, потоа неговата внука, и комшивчето кое што живеело веднаш до него.
Ова лице сега ги прашува министерот, но и сите политичари:
На кој погреб попрво да одам?, прашува тој додавајќи дека коруптивниот систем на владеење ни го зима најскапиот данок:
„Данок во крв, данок во деца“, вели тој.
Принтскрин/ Фејсбук, Благојцо Брлог Ѓоргиев
Погледнете го видеото во продолжение…
Претставниците на системот го обвинија системот?!
Потсетуваме, по несреќата во која од пожар во дискотеката „Пулс“ во Кочани загинаа 59 лица полицијата осомничи 23 лица. Од овие 23 лица, 11 се во притвор, а според една од изјавите на министерот Панче Тошковски, највиновен е корумпираниот систем(!).
И како што самиот министер во текот на денот на прес-конференцијата изјави, тие констатирале дека системот во Македонија е до толку корумпиран што може да се каже дека имаме катастрофална ситуација во поглед на постапувањата на огромен број институции кои по закон морале да ја следат работата на дискотеката. Посебно во смисла на заштита од евентуален пожар, за заради што ќе бидат приведени поголем број на лица од најразлични институции, изјави денес министерот Панче Тошковски.
