Бил Козби, актерот кој го засмејуваше целиот свет, осуден на казна затвор

Бил Козби е познат по неговите комичарски улоги, а сега е осуден на 3 до 10 години затворска казна, и тоа поради дрогирање и напад на жена во неговиот стан.

Козби до крајот на својот живот ќе мора редовно да оди на советување и ќе биде заведен во регистарот на сексуални прекршители. Ова значи дека соседите, домовите за деца и школите ќе мора да бидат известени ако во нивна близина живее актерот кој е познат под прекарот „американски татко“.

Козби во април беше осуден поради сексуалниот напад над Андри Констанд, администраторка на атлетскиот тим на универзитетот во Темпл во 2004 година. Таа е една од 60-те жени кои го обвинија Козби за недолично сексуално однесување.