Бебето ќе заспие за 20 секунди со оваа лесна техника – пробајте и нема да ви се верува како делува

Специфични техники на масажа можат да им помогнат дури и на новороденчињата побрзо да заспијат, затоа што го поттикнуваат опуштањето, ги намалуваат хормоните на стрес и ја ослободуваат напнатоста во телото.

Нежната масажа на лицето и главата можете да ја примените уште од првиот ден по раѓањето, со цел бебето да се смири и побрзо да заспие. Масажата го намалува стресот и ја зголемува продукцијата на таканаречените „хормони на среќа“ – серотонин, ендорфини, допамин и окситоцин, кои дополнително го поттикнуваат сонот.

Масажа со врвовите на прстите – и бебето брзо потонува во сон

Техниките на масажа што се применуваат во некои породилишта ширум светот се покажале како исклучително ефикасни, бидејќи:

Го намалуваат стресот и го поттикнуваат опуштањето

Масажата го зголемува лачењето на серотонин, кој е претходник на мелатонинот – хормонот што го регулира сонот. Истовремено го намалува и кортизолот (хормон на стрес), создавајќи мирна состојба идеална за спиење.

Ја олеснува напнатоста и ја подобрува циркулацијата.

Нежните движења на лицето и главата ја релаксираат мускулната напнатост и го подобруваат протокот на крв, што им помага на бебињата да се смируваат и полесно да заспијат.

Го зајакнуваат поврзувањето и довербата

Физичкиот допир и контактот со очи создаваат чувство на сигурност. Тоа ја зголемува блискоста меѓу родителот и бебето и го подготвува малечкото за сон.

Затоа, кратка масажа пред спиење може да му помогне на бебето да се смири по стимулирачкиот ден и да се подготви за ноќен одмор.

Истражувањата покажуваат дека бебињата кои редовно се масираат побрзо заспиваат и спијат подолго и поквалитетно.

Техники со кои бебето може да заспие за помалку од минута, дури и за 20 секунди

Најделотворни се:

нежни потези по челото, околу очите и по линијата на вилицата,

масажа на темето и страничните делови на главата со врвовите на прстите (без притисок на фонтанелата),

лесно поминување со прстите низ вдлабнатината меѓу веѓите и носот – движење што го смирува нервниот систем.

Масажа со движења налик на шампонирање, исто така, може брзо да предизвика опуштање и сон.

„5 S“ – револуционерниот концепт што го промени родителството

Педијатарот и експерт за развој на деца, д-р Харви Карп, уште во 2002 година го претстави концептот „5 S“ за смирување на бебињата, опишан во неговиот бестселер „Најсреќно бебе на светот“.

Според него, имитацијата на ритмовите во матката преку: повивање, бел шум или тивко шушкање, нишање, цицање, држење на бебето на страна/на стомак го активира вродениот „рефлекс на смирување“ кој го смирува плачењето и му помага на бебето брзо да заспие. Масажата на лицето и главата е една од техниките преку која д-р Карп ги учел родителите да ги опуштат своите деца.

Денес, повеќе од 20 години подоцна, концептот „5 S“ се предава од илјадници обучени едукатори во болници, клиники и центри за родители низ целиот свет.

Како млад лекар, д-р Карп барал решение за силните грчеви кај бебињата и проучувал како различни култури ги смируваат своите новороденчиња. Открил дека бебињата на племето Кунг сан во Африка речиси постојано се држеле во раце, биле нишани, хранети и стимулирани и дека практично немале грчеви.

Тој сфатил дека тие родители несвесно го реплицираат звукот, ритамот и вибрацијата на матката, што предизвикува невролошки одговор наречен „рефлекс на смирување“. Овој механизам ги држел бебињата опуштени и мирни.