Овој рецепт за банички, кои ни ги зготви Зорка Јанчева од Тиквешијата, ќе ве однесе во минатото, во времето кога нашите баби ги подготвувале со многу љубов и внимание.
Со самиот начин на подготовка, ќе ги почувствувате тие ароми кои ќе ве потсетат на домашната традиција и топлината на родната куќа.
Advertisement
Овие банички имаат неодоливи ароми кои ќе ве одведат во детството, со секој залак.
Тестото е меко, а однадвр крцкаво, додека сирењето и празот создаваат совршен баланс на вкус. Се топат во уста!
Состојки:
2 кг брашно
1 лажица сол
1 дл зејтин
1 мала лажичка бел оцет
Млака вода (по потреба)
Баничките можат да се полнат по желба, со сирење, со месо, со зелка, со праз, како и со различни комбинации од неколку состојки. Зорка ги подготви со праз, сирење и кисела зелка. Но изборот за полнење е ваш!
Начин на подготовка:
Се меси со млака вода средно меко тесто.
Се прават топчиња, со големина по желба, на Зорка ѝ испаднале 13 топчиња.
Потоа, се намрсува плехот за печење со масло, се редат топчињата и се оставаат да отстојат околу половина час.
Во меѓувреме, се подготвува смесата за полнење, празот се потпржува, се додава црвен пипер за уште повпечатлив вкус. Смесата треба да се нананесе откако ќе биде изладена.
Корите се растегнуваат, се нанесува смесата за полнење и се превиткуваат корите по желба.
Наредени во тавата за печење се печат во претходно загреана рерна додека добијат златнокафена боја.
Еден вкусен залак од овие банички ќе ве потсети на времето кога храната беше подготвувана со многу љубов и внимание. Ви посакуваме пријатен вкус и многу радост во вашата кујна!
