Балканот е вински полуостров, а во самиот центар – МАКЕДОНИЈА! Е ова е вистината за нашите вина

Балканот – вински полуостров?!

Бургундија важи за еден од најпознатите региони во светот за производство на вино, а на вината кои се произведени на ова место во последните неколку години значително им пораснаа цените. И тоа се случува и покрај големата винска криза во која се најдоа сите останати региони во светот, но не и француската Бургундија, па зголемената побарувачка на овие вина доведе и до манипулации.

И како што пишуваат француските медиуми, а потоа пренесе и српскиот портал Телеграф, некои винарии во Бургундија, наместо вина произведено на ова место, пакувале шишиња со македонска смедеревка.

Според истрагата што била спроведена од страна на локалните агенции за спроведување на законот во соработка со Еуропол, како што објави и Телеграф, мрежата на овие фалсификатори на вино кои увезувале вино од Балканот, најмалку брои седум лица.

Според обвинението тие наводно купиле готово вино од винаријата „Газда Ѓоко“ од Мрзенци, па потоа го ставале во барик буриња за да добие типичен француски карактер, а потоа го пласирале како шардоне под етикетата на познатите бургундински вина, објави вчера српскиот портал Телеграф (?).

Фото: Пикабаи

Звучи лудо, ама…

Оваа вест ја пренесоа и многу наши медиуми, но за волја на вистината, ретко кој од нив забележа дека станува збор за шега.

Имено, веста беше најпрво објавена од српскиот портал „Вино и фино“ и всушност беше првоаприлска шега на која наседнаа многу наши колеги новинари, па порталот спицијализиран за вино (Вино и фино) потоа откри дека веста е измислена и дека станува збор за првоаприлска шега која одекна во регионот.

Кој е газда Ѓоко?

Инаку, токму оваа вест во текот на вчерашниот ден едно време беше и главна на агрегаторот Тајм, па бидејќи многумина наседнаа на шегата, решивме и ние да ја објавиме, но со појаснување дека не постои никаков Газда Ѓоко од село Мрзенци и не постојат македонски вина кои се продаваат како француски по 250 евра.

Принтскрин/ Вино и фино

Не постои ни енологот Теле Репомаше?

„Не постои ниту енологот Теле Репомаше (прочитајте го на глас ова име..), ниту пак во Мрзенци постои винарија на Газда Ѓоко – целата вест од почеток до крај преставува плод на нашата фантазија“, пишува во објавата на порталот „Вино и фино“ како објаснување на претходната вест.

Од Мрзенци до Вранец и Картошија

Инаку, првоаприлската шега на овој портал наменет за виното секако дека не е единствената вест што тие ја имаат објавено за нашите вина. И како еден од најдобрите портали специјализирани за вино, тие ги имаат објавено речиси сите информации кои се поврзани со вината од нашиот регион, а една од овие вести, која овој пат е ВИСТИНАТА, е всушност објава на текстот на Форбс кој пред неколку месеци ги претстави нашите вина. Станува збор за објава од септември 2024 година, а еден дел од тоа што тогаш Форбс го објави за вината со потекло од Македонија, а го пренесе и овој портал, прочитајте во продолжение…

Принтскрин/ Јутуб

Станува збор за текстот „Форбс ги претстави вината во Македонија“, во кој авторите го напишаа следното:

Магазинот Форбс објави многу интересна статија за вината и сортите во Северна Македонија. Во текстот со наслов The Wines Of North Macedonia, објаснето од експерт, Пер Карлсон, вински писател и судија, на концизен и интересен начин го претстави вината од Северна Македонија, со неговите типични сорти и стилови, со посебен акцент на Вранец, кој, според авторот, треба да биде во фокусот на напорите на локалните винари да се пробијат на светскиот пазар.

– Балканот понекогаш се нарекува и вински полуостров. Во неговиот центар се наоѓа Македонија, мала земја со одлични вина – вели авторот на почетокот на текстот, објаснувајќи дека пред извесно време бил во Македонија како судија на Concours Mondial de Bruxelles Vranec Selection, првата меѓународна евалуација на вината од Вранец.

Пер Карлсон ја искористи оваа прилика да разговара со Звонко Херцег, вински едукатор и судија, со цел да добие подлабок увид во вината во Македонија. Како што му кажа Херцег, разновидната и планинска географија на Северна Македонија им овозможува на винарите од оваа земја да истражуваат многу широк спектар на сорти грозје, од меѓународни до типични балкански и автохтони.

Херцег особено му укажа на авторот на текстот дека Смедеревката, најзастапената бела сорта грозје во Македонија, потоа Тамјаника, Кратошија и други интересни сорти како што се Жилавка, Жупљанка, Станушина… Се разбира, посебно внимание на авторот привлече Вранец, најважната сорта на грозје од Македонија, која ја опиша како сорта со силен карактер и богата арома од Македонија.

Принтскрин/ Форбс

Карлсон напишал дека ароматичниот профил на Вранец го потсетува на комбинација од карактеристиките на сирењето – тој во Вранецот ја препознал неговата моќ и карактерот на зачините.

Понатаму во овој текст се вели дека Вранецот тешко се скротува, па мора многу да се работи со оваа сорта грозје за да се скротат танините, кои можат да бидат многу, многу остри. Ова всушност му го рекол Херцег на авторот, пишува Вино и Фино, објаснувајќи ги понатамошните процедури на кои треба да се внимава при производството на вино од оваа сорта.

Што друго вели овој автор, погледнете во продолжение…