Аутизмот не е ден, аутизмот е секојдневие – еве зошто пораките на овие мајки треба сите да не замислат

Вчера, 2 април, беше светскиот ден на аутизмот, па се огласи и пејачката Ребека, чиј син Маркијан има аутизам.

Нејзината порака ви ја пренесуваме во целост:

„Драг мој Маркијан. Вчера беше втори април 2025. Секој втори април се зборува многу за сличните на тебе. На тој начин тие мислат дека прават нешто за вас,за лицата со аутистичен спектар и попреченост. Чудно, но тоа е вистината. До следниот датум во календарот. Ти пишувам овде за да некој друг можеби во некое друго време, подобро, ме чуе. Овде луѓето одамна престанаа да сакаат да ме слушаат мене и оние како мене и татко ти кои родија деца поразлични од нивните. Ти пишувам за да некој во некое друго време разбере дека овие сега ништо не разбираат и не сакаат да разберат и заради браќата твои кои од сега се чудат со тебе што ќе прават“, напиша Ребека, па го додаде и следново:

Фејсбук/ Ребека

„Ти пишувам за да некој ти каже некогаш и ако ти бидеш се уште меѓу нив дека оваа мајка твоја се бореше.

Мајкино чедо, Ти се чудиш зашто ништо од овде тебе не ти припаѓа,но не чуди се, тие не знаат што прават.

Ти си љубов,а тие се од другата страна на љубовта.

Фејсбук/ Ребека

Тие си имаат честа болест,а ти ретка

Нивната болест е исто така неизлечива и таа се вика НИШТО НЕ ИМ СТИГА И МУВА НЕ ГИ ЛАЗИ

Ти не имаш нас, а тие имаат се што се купува со пари

И најважно е да разбереш дека и на тие кои добрини мајка ти им правела ќе те заборават

И запамти дека секогаш се борев за сите

Така мислев дека треба.

Господ да им прости на сите кој знаеа, ништо не направија и излажаа. А ти ако можеш мене прости ми

Понекогаш ти завидувам на твојата безгрижност и посакувам и јас така да можев. Господ е љубов и тој нема никогаш да не заборави, знам“, напиша Ребека.

Потсетуваме, неодамна со слична порака на Фејсбук се огласи и Амела Мемиш Апостоловска која е сертифициран клинички психолог, но и мајка на две деца со попреченост.

Фејсбук/ Амела

Таа во својата јавна објава остро го критикува површниот пристап кон аутизмот и повикува на суштинска, долгорочна и системска поддршка:

„Април доаѓа. И веќе знам што ќе се случува сини маици, балони, фотографии, статуси со пораки како ‘Аутизам не е болест’. Ќе има кампањи, банери, говори… и потоа?“

„Тишина. Секојдневието ќе продолжи, удобно, непроменето. А ние? Ние остануваме со аутизмот. Секој ден. Секоја ноќ. Секоја болка.“

Фејсбук/ Амела

Таа ја споделува личната борба болката кога го гледа својот син како панично плаче пред час, поради неприфаќањето и неразбирањето од страна на одредени наставници. Но, истовремено сведочи и за трансформацијата кога ситуациите се средуваат и Леон се враќа насмеан и исполнет по часовите.

„Од следната година Леон започнува во нова средина. И ова е последна шанса наставниците кои прават проблеми ќе бидат јавно посочени ако продолжат да го маргинализираат моето дете.“

„Тоа ли е борбата што треба да ја водиме? Тоа ли е цената што секое дете треба да ја плати за да биде прифатено?

„Доволно е! Престанете со празни зборови и фотографии. Почнете да правите. Почнете да менувате!“

Целата нејзина објава прочитајте ја тука…