Анета Љумаковска покажа што е жена – директно од Рим го „урна“ Јутјуб
Анета блесна во Рим, оттаму ни донесе нова песна со наслов Жена, која ја пее со длабоки емоции.
Македонската фолк пејачка Анета Љумаковска повторно ја освои јавноста, овојпат со својата нова песна насловена „Жена“.
Видеоспотот за баладата полна со емоции, а посветена на сите жени, е снимен во италијанската престолнина и оттаму носи силна порака за женската нежност, но истовремено и сила, чувствителност и истрајност.
Текстот е дело на Анита Даева, која преку своите зборови ја доловува патеката на секоја жена што се соочила со предизвици, љубов и болка, но останала силна. Музиката и аранжманот ги потпишува Дејан Момироски од XL Studio, додека Арт Студио се погрижи за креативната и визуелната страна на видеото.
Инаку, песната поставена на Јутјуб пред само осум часа, веќе ја слушнаа над 4 400 слушатели, а позитивни коментари се нижат еденподруг – „Браво девојче, преубаво, што и да пееш милуваш со тој прекрасен глас“, „преубаво и изненадувачки во секој поглед“, „свежо и моќно, силни зборови, силна порака“, „супер песна и спот“…
Потсетуваме, новата песна Анета ја најави уште пред еден месец.
По тешкиот период низ кој што помина по разводот од поранешниот сопруг, но и по веста дека повторно е вљубена, Анета сега реши да ја израдува својата публика со „Жена“.
Таа тогаш го најави и својот нов бенд со кој во иднина ќе настапува.
Пред две недели пак, пејачката ги изненади сите позирајќи со своето ново момче, Рубин Размо.
По среќната вест, Анета замина за Рим со тимот професионалци кои работеа на песната Жена.
