Зафатена, но секогаш стокмена мама: Госпоѓа Клуни не воодушеви со ова шик деловно издание

Беспрекорно издание на познатата адвокатка

Амал Клуни никогаш не греши кога е модата во прашање. Таа најчесто носи скапи парчиња што секоја дама би сакала да ги има во својот плакар, а мораме да признаеме дека одлично се снаоѓа и во улогата на мајка. Таа се породи минатата година и ги роди близнаците Ел и Александер поради кои не се сомневаме дека има полни раце работа.

Имено, и покрај слатките мајчински грижи сопругата на Клуни секогаш е стокмена од глава до пети, а тоа го покажа и деновиве низ улиците во Њујорк кога се појави во одлично деловно издание. Имено, таа носеше елегантен костум од „Chanel“ во беж боја кој паметно го комбинираше со бела чанта од „Roger Vivier“ и елегантни високи потпетици од „Jimmy Choo“ во слична беж нијанса.