Многумина ја критикуваат дека се запустила, но Ева очигледно не се грижи премногу за таквите коментари
Познатата 42 годишна актерка Ева Лонгорија која се прослави со серијата „Очајни домаќинки“ го очекува своето прво дете. Таа неодамна самата истакна дека е среќна што ќе добие син, но и дека поради тоа што веќе е во поодмината бременост и има добиено вишок килограми, последните недели времето максимално го посвети самата на себе.
Таа е свесна дека е потполно природно жена да добие вишок килограми за време на бременоста, а судејќи според фотографиите тоа воопшто не и претставува проблем. Така често се појавува во лежерни изданија во кои удобноста е на прво место и воопшто не се грижи дали некои медиуми ќе ја критикуваат дека премногу се запуштила.
Ева не е од оние славни ѕвезди кои постојано вежбаат и одат во теретана па дури и за време на бременоста. Очигледно дека нејзе такви работи не и паѓаат на ум, особено не во овој период од животот. Провокативните комбинации со гламурозните тоалети во кои сме навикнати да ја гледаме ги замени со многу поудобна облека како што се тренерки и широки фустани, а не ретко можеме да ја видиме и во папучи.
Но затоа пак секогаш е наоружана со насмевка, позитивна енергија и оној прекрасен сјај што го имаат само жените што наскоро треба да станат мајки.
