Ако сте во Грција и седнете во овој ресторан, ќе се онесвестите од сметката – 5 евра ќе ви наплатат за кечапот, 35 за кока-кола!
Популарна туристичка дестинација станува озлогласена поради астрономски сметки и шокираните гости.
Летувањата стануваат сè поскапи, но дури ни тоа не ги подготвува туристите за вистинските „замки“ кои демнат на некои атрактивни локации.
Една од најчесто споменуваните е ресторанот DK Oyster на грчкиот остров Миконос, лоциран веднаш покрај популарната плажа Платис Ѓалос.
Иако изгледа како идеално место за уживање со поглед на Егејското Море, овој ресторан е мета на сериозни критики. На TripAdvisor, „изненадените“ гости споделуваат искуства со сметки од по неколку стотици до илјада евра за едвај неколку јадења и пијалаци.
Една туристка, Џесика Л., предупредува:
„Плативме 350 евра за една риба и вкупно 1.000 евра за три обични јадења. Никогаш не сум платила толку ни во најскапите ресторани во светот!“
Друга жена, Сју, опишува дека и биле наплатени дури и пијалаци што не ги порачала. Келнерот ѝ понудил „гостински пијалак“, од куќата, кој подоцна завршил на сметката. За неколку коктели, безалкохолни пијалаци и една кока-кола, платиле неверојатни 400 евра, од кои 35 евра само за газираниот пијалак.
Гостите се жалат дека за кечап плаќале по 5 евра, а пивото достигнувало и 35 евра. Еден пар дури размислувал да повика полиција откако за две чинии паста и две овошни сокчиња им биле наплатени речиси 600 евра, вклучувајќи над 100 евра напојница додадена во сметката.
Посебно контроверзна е нивната стратегија со „бесплатни лежалки“. Имено, гостите добиваат лежалка без надомест, но само доколку нарачаат пијалак, кој потоа се наплатува со сума што буквално ќе ве онесвести.
И покрај повеќе од 1000 негативни критики, ресторанот и натаму функционира и привлекува туристи кои не се информирани за „ценовниот шок“ што ги чека. За жал, многумина дознаваат предоцна, кога ќе стигне сметката.
