Според легендите, младите брачни парови би требало да го посадат овој цвет во својот двор, со цел да ги следи среќа.
Опојниот и сладок мирис, големите и раскошни цветови го прават божурот еден од омилените цветни видови и еден од најчестите украси на домот. Без разлика дали се свежо набрани или како мотив на некој дел од домот, даруваат софистицираност на секој ентериер. Божурот цвета во мај и јуни, а еднаш кога ќе ги наберете, може да ви потраат отприлика 5 дена. Колку почесто ќе имаат свежа вода, толку и подолго ќе траат.
Кога ќе ги ставите во вазна, додајте им средство кое ќе го продолжи траењето на цветот, ставете ги во млака вода, а после час или два преместете ги на поладно место. Кинезите уште од одамна го опишуваат божурот како цвет кој позитивно влијае на хармоничниот живот кај жените и мажите. Него го опишуваат како цвет на љубовта и женственоста. Белиот божур ги симболизира девојчињата и се смета за симбол на нивните мисли, но и нивната убавина.
Исто така со векови наназад кинезите божурот го опишувале како симбол на мирот, стабилноста и здравјето, а уште од 7 век овие цвето се познати и како носители на добра среќа. Затоа, неретко се употребува како одредена декорација во домот, без разлика дали е на слика, како принт на садови и слично…
