Ако не можете да забремените, проверете го овој орган – совети од познат гинеколог
Иако е мал орган произведува важни хормони за метаболизмот и има големо влијание врз плодноста и правилниот тек на бременоста.
Познатиот хрватски гинеколог д-р Ерден Радончиќ советува жените кои се соочуваат со потешкотии при забременување да ја проверат функцијата на тироидната жлезда, бидејќи таа игра голема улога во женското репродуктивно здравје.
Иако е мал орган, тироидната жлезда произведува важни хормони за метаболизмот и има големо влијание врз плодноста и правилниот тек на бременоста.
За жал, многу жени не се свесни за сериозните последици од нејзиното нарушено функционирање. Затоа, неопходно е жените да се информираат и едуцираат, со цел да го заштитат своето здравје и здравиот развој на плодот.
„Бремени жени и парови кои имаат проблеми со плодноста треба да разговараат со лекар и да направат едноставни хормонски тестови за тироидната жлезда. Дури и најмалиот хормонален дисбаланс треба да се лекува соодветно, бидејќи тироидната жлезда игра клучна улога во женската репродукција“, објаснува д-р Радончиќ.
Иако болестите на тироидната жлезда се меѓу најзастапените во светот, тие често остануваат непрепознаени.
Се проценува дека над 300 милиони луѓе страдаат од намалена функција на тироидната жлезда, но само околу 20% од нив добиваат соодветен третман. Многу жени не знаат дека ваквите проблеми може негативно да влијаат врз бременоста и развојот на бебето.
Контрола и ризици во текот на бременоста
Контролата на тироидната жлезда е особено важна во раните фази на бременоста. Нелекувана хипотироидоза (намалена функција) може да го зголеми ризикот од застој во развојот на плодот или предвремено породување.
Д-р Радончиќ истакнува дека контрола е неопходна и во првата година по породувањето, бидејќи некои жени развиваат постпартална хипотироидоза (PPT), чии симптоми често се слични на оние на постпородилна депресија: замор, тага, тешкотии при слабеење. Тие симптоми најчесто се привремени, но се препорачува проверка на тироидните хормони пред да се започне со терапија со антидепресиви.
Ако нарушувањето продолжи, може да се препише хормонска терапија.
Симптоми на хипо и хипертироидоза
Кај хипотироидоза симптомите се замор, депресија, болки во мускулите, заборавеност и чувствителност на студ.
Кај хипертироидоза пак, симптомите се препознатливи по губење на тежина, анксиозност, забрзана работа на срцето, тремор и карактеристичен вкочанет поглед.
При појава на вакви симптоми, се препорачува итна посета на лекар. Лечењето на хипотироидоза се спроведува најчесто со лекот левотироксин, кој е безбеден и за трудници и за доилки. Кај веќе дијагностицирани трудници со хипотироидоза, дозата на лекот треба да се зголеми и редовно да се контролира.
Кај поблаг облик на хипертироидоза, трудниците обично само се следат почесто, но во потешки случаи се препишува антитироидна терапија или хируршко отстранување на дел од жлездата, советува познатиот лекар.
