Ахмети: Како може Македонците да ни избираат градоначалник во Тетово?

На митингот на коалицијата Алијанса зa Интеграција (АКИ) во Боговиње, лидерот на ДУИ, Али Ахмети, зборуваше за влијанието на премиерот Христијан Мицковски во општините со албанско мнозинство. Ахмети нагласи дека во Струга, Тетово и Чаир кандидатите се поддржани од Мицковски и дека тој е многу посветен во овие области.

„Мицковски ги поддржува независните кандидати. Во Струга кандидатот е Христијан, во Тетово е Христијан, во Чаир е Христијан. Тој работи повеќе отколку тие“, рекол Ахмети.

Тој ги предупреди граѓаните да гласаат според своите убедувања.

„Како може градоначалникот на Тетово да биде избран ако гласовите ѝ припаѓаат на другата заедница“, истакнал Ахмети.

Претседателот на ДУИ повикал на единство и посветеност во заштитата на албанските интереси и ја нагласи важноста на локалните избори како чекор кон развој и напредок на албанските заедници во Македонија.