Африканскиот бран доаѓа, спасете ги цвеќињата – дададете ја оваа тајна состојка во водата за наводнување
Како да ги спасите растенијата за време на топлотен бран? Додадете еден неочекуван природен сојузник во водата за наводнување.
Сè почестите топлотни бранови претставуваат сериозна закана за домашните и градинарските растенија. Класичното полевање често не е доволно, почвата брзо се суши, а коренот на растението не успева да ја задржи потребната влага.
Но, експертите за цвеќиња имаат неочекувано, но многу ефикасно решение: додавање на микоризни габи во водата за полевање.
Advertisement
Што се микоризни габи и зошто се толку важни?
Овие габи воспоставуваат симбиотска врска со коренот на растенијата, создавајќи мрежа од фини микроскопски хифи кои продираат длабоко во почвата. Преку оваа мрежа, растението поефикасно апсорбира вода и хранливи материи, дури и кога почвата е исцрпена од суша или прегреана од сонцето.
Истражувања покажуваат дека растенијата кои се во симбиоза со микоризни габи имаат:
Подобра отпорност на суша и топлински стрес
Зголемена отпорност на болести
Подобра апсорпција на фосфор, калиум и други есенцијални минерали
Подобрена структура на почвата и зголемена микробна активност.
Ова е особено важно за зеленчукот во градината, за саксиско цвеќе, млади садници и чувствителни украсни растенија.
Каде да ги набавите?
Овие габи не се достапни во обична форма во природата, ниту можат лесно да се „направат дома“, но може лесно да се набават во специјализирани продавници низ Македонија, како и онлајн.
Каде може да се најдат микоризни габи во Македонија? Во продавници за градинарство и земјоделие. Во Скопје и во другите поголеми градови, агро-центри и цвеќарници се нудат биолошки препарати што содржат микоризни габи. Прашајте за производи со ознака mycorrhiza, био стимулатор за корен, или габи за растенија. Цените се движат од 200 до 600 денари, во зависност од количината и составот.
Совет при купување:
Проверете дали на пакувањето пишува „mycorrhizal fungi“, „Glomus spp.“, или „root symbiosis enhancer“. Најдобро е да се користат препарати од реномирани производители, а добар знак е ако производот е сертифициран како органски.
Како се користат?
Микоризните габи можете да ги додадете во водата за полевање, или да ги ставите директно во почвата.
Користењето на микоризни габи е одржлив и природен начин за зачувување на здравјето на растенијата во време кога климатските услови се сè понепредвидливи. Наместо често и неефикасно полевање што ја троши водата, оваа метода му овозможува на растението самото подобро да ја регулира влагата и да преживее дури и во екстремна жештина.
