Јуле Николовска е веќе 20 години на музичката сцена. Таа подеденакво се снаоѓа и во поп и во фолк музиката, во зависност од потребата. Зад неа се повеќе авторски песни и фестивали од забавната и од фолк музиката како и последните настапи на „Макфест 2022“ или „Охрид фест- Охридски тубадури 2023“ , но и голем број проекти со разни нејзини соработници. Нејзинaта песна од последниот интернационален музички фестивал „Охридски трубадури 2023“ насловена „Жена кралица“ ја препеа на српски јазик и за истата сними многу убав видео запис. Талентот го наследив од мојата баба која пеела совршено и од мојот татко кој е хармоникаш вели Јуле за Гламур.
Приватна архива
20 години си на музичката сцена, дали се сеќаваш на првиот настап?
Прв настап уште од мали нозе во основно училиште, имав можност да го претставувам моето училиште каде што требаше да пеам на микрофон имав само 9 години, и од тука започна цела приказна се до ден денес да се занимавам со музика.
Од кого го имаш наследено талентот за музика?
Талентот го наследив од мојата баба која пеела совршено и од мојот татко кој е хармоникаш.
Приватна архива
За овие години имаш испеано многу песни и многу добиени награди, можеш ли да издвоиш која песната ти е најдрага и која награда?
Повеќе од 20 години на Музичка сцена многу песни, награди сите ми се драги песни но ако морам да одберам би ја одбрала ‘’Анѓел на Љубовта’’ преубава балада. За награди кој ги имам доста би ја одбрала Награда за најдобра интерпретација таа ми е фаворит дури и од прво место.
Фестивалите денес, колку си задоволна од организацијата и дали има местење на награди?
Фестивалите кај нас секогаш може да бидат и на повисоко ниво, за тоа дали има местени награди јас лично ја немав таа можност🙂 па дури и да има не е битно ако имаш добра песна таа сама ќе се пробие без да е наградувана.
Последнава година бевте многу активни, нешто што е најново снимавте и за Гранд продукција, како бевте примени таму?
Снимивме три песни во соработка со Гранд продукција во Белград бев одлично прифатена и сум презадоволна од целиот тим и од заедничката работа.
Дали кога би имале ваква продукција кај нас пеачите би имале повеќе работа надвор од земјава и повисоки цени?
Ние имаме одлични продукции и кај нас во Македонија имаме одлични музичари пеачи веќе докажани, единствена разлика е тоа што сме ние помали како држава. И да, платени сме онолку колку вредиме и колку сме вложиле во нас, бар во мојот случај е така.
Летен период е, имате ли довооно настапи и дали имате доволно свирки и веселби?
Да летен период имаме доста настапи насекаде низ нашата Македонија најмногу Скопје.
Приватна архива
Музичко семејство сте, весело ли ви е под дома?
Музичко семејство сме кај нас е секогаш весело со песна ни почнува и завршува денот.
Мајка сте и сопруга , наоѓате ли време за себе и кои се Вашите ритуали за нега и убавина?
Сопруга и Мајка на две прекрасни деца Калина и Никола верувам публиката во поголем број знаат. Секако дека наоѓам време за себе до скоро одев во теретана, сега малку одмарам од неа но во замена возам точак пешачам, пијам многу вода, чаеви, и секако здрави оброци.
Приватна архива
Дали Јуле е вешта во кујна?
Секако сум вешта во кујна, знам и сакам да готвам тоа ме релаксира и секогаш готвам со многу љубов за моето семејство.
Читате ли книги и која би ја издвоиле, книга или омилен писател?
Читам книги во слободно време би ги издвоила книгите на Џозеф Марфи како поомилени.
Што да очекуваме следно од Јуле?
Оваа година од самиот старт со мојот тим бевме навистина доста вредни, три нови песни од кој за Жена Краљица направивме и видео запис кој веќе е поставен на социјалните мрежи и се емитува на Гранд ТВ покрај тоа направивме одлични кавери на микс песни поставени и достапни на мојот YouTube канал Јуле Николовска. Летово доста работно со настапи но ке си дозволам и малку одмор заслужен. Од Септември секако ке има уште нешто ново.
