Учителка реши да предава анатомија во костум на кој е нацртан секој дел од човечкото тело
Нејзините ученици ја обожаваат
Оваа 43 годишна учителка е решена своите ученици од трето одделение да ги научи на анатомија. Таа се облече во облека на која е нацртан секој дел од човечкото тело и кога се појави во училиштето ги воодушеви сите.
„Предавам веќе 15 години. Ги подучувам децата за природата, науката, уметноста, а ги учам и англиски и шпански јазик“, раскажува Вероника Дукју за порталот „Боред Панда“. Таа реши на своите ученици од трето одделение да им ја направи малку поинтересна, па стана хит во целиот свет.
„Сурфав на интернет и еден ден најдов облека за пливање која го прикажува човечкото тело, мускулите и органите. Знам колку им е тешко на децата да сфатат ој орган каде е сместен во телото, па го нарачав и одлучив да пробам на овој начин“, прераскажува оваа генијална учителка.
Muy orgulloso de este volcán de ideas que tengo la suerte de tener como mujer??
Hoy ha explicado el cuerpo humano a sus alumnos de una manera muy original??
Y los niños flipando??
Grande Verónica!!!?????? pic.twitter.com/hAwqyuujzs— Michael (@mikemoratinos) December 16, 2019
Нејзиниот сопруг беше со неа на наставата и сé забележа со видеокамера и видеото го објави на социјалните мрежи. Вероника веднаш стана вирална, па сега ја нарекуваат симбол на креативноста и посветеноста. Но таа нема намера да застане тука. Има и други идеи што сака да ги реализира.
„Сакам да им помогнам полесно да ја совладаат и граматиката и историјата. Исто така сакам јавноста да престане да ги перципира учителите како мрзеливи државни службеници. Ние не сме тоа“, заклучи таа.
