Ново шик издание на Викторија Бекам
Познатата британска дизајнерка Викторија Бекам која изгради импресивно модно царство неодамна ги воодушеви своите обожаватели со потврдата дека ќе учествува во повторното собирање на Спајс Грлс. Поранешната „спајсица“ денес е успешна дизајнерка и модна икона, а деновиве престојува во Њујорк каде што се појави во издание создадено од парчиња кои и се омилени веќе со години. Овој пат во фокусот ни е нејзиното долго, плисирано здолниште кое беше во тренд пред неколку сезони. И ако земеме во предвид дека Викторија е една од оние дами коишто ги диктираат трендовите, оправдано е да очекуваме дека и оваа пролет овие здолништа повторно ќе бидат меѓу најпопуларните.
Вики ова класично парче го носеше со кафеав џемпер и чизми со високи потпетици, додека целото издание го заокружи со темни очила за сонце и чанта во бордо нијанса.
