5 културни начини да го одбиете момчето кое не ви се допаѓа
Секоја жена знае дека некои мажи понекогаш може да бидат навистина напорни. Секој маж кој некогаш се трудел да „флертува“ со некоја жена, знае дека тие може да бидат навистина некултурни. Жени, за да ги одбиете мажите и притоа да оставите добар впечаток, добро би било да ги применувате овие неколку совети.
Кога ќе ве праша да танцувате заедно…
Наместо „не“, кажете дека се одморате и дека можеби ќе танцувате подоцна. Или пак може пристојно да се заблагодарите и да кажете дека носите неудобни чевли.
Кога бара ваш број…
Предложете му тој да ви го даде неговиот, за вие да му се јавите. Ако и понатаму инсистира, тогаш кажете му дека не сакате да давате број на луѓе кои штотуку сте ги запознале.
Кога ве прашува што ќе се напиете…
Пристојно заблагодарете му се и кажете му дека веќе имате пијалак или дека паузирате. Ако само го одбиете без објаснување, можеби ќе оставите впечаток на непријатна и некултурна личност.
Кога ве прашува зошто стоите сами…
Кажете му дека ја чекате пријателката, одглумите дека ви пратила порака, па веднаш заминете. Мажите кои го поставуваат ова прашање всушност само ве провоцираат за да започнете разговор.
Кога ќе ви понуди нешто што не ви се допаѓа…
Едноставно објаснете му дека не ви е пријатно да прифатите нешто (пијалак или танц), затоа што на вашето момче тоа не би му било драго. Не мора да имате момче за да го искористите ова како изговор. Доволно е тој да мисли дека сте зафатени.
