Џоли во неодоливо издание – одамна не изгледала олку добро!
Анџелина Џоли (43) се појави во прекрасно издание на отворањето на филмскиот фестивал „Fighting Stigma Through Film“ во Лондон.
Познатата актерка која го покрена овој фестивал во склоп на кампањата со која сака да предупреди на жртвите на сексуалното насилство во војните, за оваа пригода носеше моќен црн капут и преубав бел фустан со потписот на познатата британска модна куќа „Ralph & Russo“ чии креации ги носи често и Меган Маркл.
Познатата убавица која според многумина се уште важи за една од најубавите жени на светот, на настанот изгледаше како вистинска филмска дива, а целото издание го заокружи со металик салонки, фантастична фризура и црвен кармин со кој дополнително ги нагласи своите полни усни.
На фестивалот ќе бидат прикажани 38 филмови со акцент на дискриминацијата и општествената стигматизација со која се соочуваат жртвите на сексуалното насилство во војната, а режисерите доаѓаат од 14 земји вклучувајќи ја и Сирија, Бурма, Русија и Нигерија.
