Џенифер Лопез VS Ирена Спировска – на која и стои подобро овој ГЛАМУРОЗЕН фустан во кој и двете изгледаат како кралици
Погледнете ги овие две прекрасни изданија
Џенифер Лопез во последниот период најчесто ја гледаме во хеланки и тренерки, посебно затоа што заради вирусот корона речиси и да нема гламурозни настани.
Но атрактивната пејачка реши своите бројни верни фанови да ги почести со едно раскошно издание па на својот Инстаграм профил им посака на сите среќен Божиќ во спектакуларна модна комбинација со која ги воодушеви сите. Познатата латино дива позираше на скалите во својата луксузна куќа во фустан во страсна црвена боја од тил со огромен шлеп кој го носеше со скапоцени дијамантски обетки.
Таа целото издание го зачини со вамп ефекти – силна шминка и богати бранови во косата, а како изгледаше погледнете во продолжение.
Инаку, многу сличен фустан неодамна носеше и нашата шармантна водителка Ирена Спировска, па на социјалните мрежи можеме да прочитаме коментари дека светски популарната пејачка го „позајмила“ овој аутфит од неа. Имено Ирена сама се пошегува на своја сметка кога на социјалните мрежи објави фотографии од своето издание што го носеше на „Фолк фест Роса 2020“, а како изгледаше и дали навистина фустаните се слични, погледнете во продолжение.
Ние за ова сензационално модно издание на харизматичната водителка веќе пишувавме. Таа дефинитивно знае како да ја избере вистинската креација со која ќе блесне и во истиот момент ќе не освои сите.
Спировска не ретко можеме да ја видиме во елегантни и модерни комбинации, а ова дефинитивно е една од најубавите.
Креацијата во горниот дел е направена од романтични црвени карнери кои стојат прицврстени за транспарентен материјал со што фустанот визуелно остава впечаток дека е со отворени, голи раменици, додека во долниот дел, од ременот надолу, полека се шири и лежерно паѓа на подот.
Фотографиите за кратко време добија голем број лајкови, а многумина и порачаа дека изгледа прекрасно.
Погледнете уште неколку модни изданија на нашата позната водителка и кажете ни дали ви се допаѓа нејзиниот стил?
