Ретро стил, точки и висок струк – костимот за капење што го избра Александра Заева е одличен погодок за ова лето.
Ретро костимот за капење што го „фура“ младата трендсетерка е одличен избор во кој секоја жена може да се чувствува како кралица на плажата. Тоа многу добро го знае и Александра која објави фотографија на Инстаграм со која за само неколку часа доби преку две илјади лајкови. Моделот му ласка на женското тело и во него Заева изгледа прекрасно, а тоа најдобро ќе ви го покаже фотографијата што следува.
Во прашање е „ретро“ модел кој е совршен за фотографирање, а во него телото на Александра изгледа беспрекорно. Покрај овој „винтиџ“ модел таа објави и фотографија на која носи жолти бикини кои исто така се одличен избор за неа, а тоа можеме да го видиме и од следната фотографија.
Модел на кој треба да му посветиме внимание ова лето
Бикините со висок струк и ова лето им се омилени на познатите дами. Тие визуелно ги издолжуваат нозете и целото тело, но и го ставаат акцентот на половината, особено кај дамите со облини на кои визуелно им го стеснува овој дел од телото, додека на пониските девојки создаваат привид на тело во облик на песочен часовник. Тие изгледаат ретро, но воедно и доволно шик, така што секоја дама во нив ќе се чувствува како вистинска ИТ девојка.
