Јасмина повеќе не работи во погребното – таа стана сирена и заработува 7000 денари на час, а боледува од ретка болест
Ја напушти работата во погребното претпријатие и стана сирена. Планира да го прави тоа се додека не заврши во инвалидска количка
Јасмина Силс има 28 години и до неодамна работеше во едно погребно претпријатие во Басингсток, Англија. Но таа реши да ја напушти оваа работа и стана професионална сирена.
Оваа прилика и се укажа потполно случајно, а сé започна бидејќи беше незадоволна на работа и често плакала.
Прв пат видела сирена кога била на музичкиот фестивал „Бестивал“, кој се одржува на југот на Англија.
„Таму беше таа девојка и изгледаше навистина интересно. Зборував со неа и мислев зошто да не се обидам и јас. Тоа беше одлука што го промени мојот живот“, изјави Јасмина за познатиот британски портал „Метро“.
Таа тренира два пати во неделата, па сега здивот може да го задржи и до две минути и 35 секунди. Вели дека тоа воопшто не е лесна работа. Настапува на разни родендени и фестивали, а заработува нешто повеќе од 100 евра за еден час.
„Кога тренирате морате да знаете како да го контролирате дишењето и отчукувањето на срцето за да можете под вода да правите разни пози. На почетокот делува многу неприродно, но колку повеќе го правите тоа, толку ви е полесно. Навистина е забавно и креативно“, изјави Јасмина.
Инаку Јасмина има фибромиалгија, болест во која главните симптоми се хронична болка во мускулите, лигаментите и тетивите, а проследена е со замор, пречки во спиењето и потешкотии во помнењето.
Ова е единствениот спорт со кој Јасмина смее да се занимава и да не чувствува болка, а додава дека ова ќе го прави се додека не заврши во инвалидска количка.
