Што мислите за оваа идеја: Жена ги сече стеблата од брокулата пред да ги мери за да заштеди пари
Купувач во маркет откри дека ги отсекува рачките од намирниците кои ги купува, за да заштеди пари.
41-годишната Меја Картер, минатата недела објави видео кое стана вирално, а на кое се гледа дека ги отсекува стеблата од брокулата и ги фрла назад во купот зленчук, пред да ги измери.
„Не плаќам за нив, па само ги вадам и ги фрлам. Ќе платам само за тоа што го јадам“.
Клипот е прегледан повеќе од 5,3 милиони пати и илјадници луѓе во коментари го кажаа своето мислење.
Критичарите ја исмејуваа нејзината идеја за заштеда на пари.
„Ова е причината зошто секогаш ги лупам компирите во самопослуга“, напиша еден корисник на TikTok, додека друг се пошегува: „Направете го тоа неколку пати и ќе си купите куќа!
„Штотуку заштедивте 0,7 центи“, додаде некој друг.
Други пак тврдеа дека стебленцето е најдобриот дел од брокулата и ѝ понудија рецепти.
Меја, која го научила трикот од нејзината баба, во видеото покажа како ги отстранува стеблата од брокулата.
Ако се доволно долги, ги кине, но ако се пократки, ќе извади џебен нож и ќе ги отсече деловите што сака да ги отстрани.
„Само ги оставам овие во продавницата“, рече таа.
Што мислите вие за нејзината идеја?
ФОТО: Принтскрин
ФОТО: Принтскрин
ФОТО: Принтскрин