Шпанската кралица Летиција повторно покажа дека навистина заслужено ја носи титулата најдобро облечена дама на кралскиот двор
Имено 46 годишната кралица која им се врати на секојдневните обврски по прослава на 15 годишнината од бракот со кралот Фелипе, на дебатата на една шпанска банкарска групација се појави во стајлинг кој истовремено е ефективен и сериозен и со кој ги воодушеви љубителките на модата
Во прашање е комбинезон од познатиот шпански моден бренд Зара кој за жал веќе е распродаден. Плисираниот модел со ремен на прв поглед изгледа како фустан, а можеби токму поради таквиот крој и им се допаѓа на жените кои инаку ретко можеме да ги видиме во овој модел.
Комбинезонот визуелно изгледа мошне впечатливо и поради преубавата сина нијанса, а слична нијанса кралицата ја повтори и со високите потпетици.
