Хумани луѓе, ве молиме да и помогнеме на Ирена Танчева од Струмица да застане на нозе и повторно да може да си игра со своите деца

Ве молам споделете

Драги мои пријатели и мои хумани луѓе, јас се извинувам ако ви досаѓам, но сакам да ви кажам како се чувствувам сега. Многу ми е тешко кога гледам каква сум била и кога сум била на нозе, кога сум можела да ги кревам моите деца во раце и да трчам со нив. Навистина не би сакала никому да му се случи ова, но многу е тешко 3 години да лежиш и да не можеш да станеш и да одиш ни во тоалет. Не можеш да ги кренеш своите деца во раце, да ги испратиш на училиште – навистина ми е тешко и давам се од себе да не плачам пред моите деца и моите родителу, затоа што знам дека и на нив им е многу тешко. И тие плачат, но не пред мене, да не ме растажуваат, но јас сум свесна за тоа. А најмногу ми е тешко кога ќе дојдат децата кај мене, кога ќе се затрчаат да ме гушнат, а јас не можам да ги гушнам, кога наместо јас да им давам храна и вода, тие ми даваат и кога ќе ми кажат – мамоо, јас не јадам, ако не јадеш ти, или кога ќе ми кажат – мамо ти ќе станеш и пак ќе си играш со нас, па ќе одиме заедно на пица, пак ќе трчаш по нас. Јас само ќе се насмеам и ќе ги испратам да одат да си играат, а кога ќе ме видат како плачам по вакви зборови, ми велат мамо не плачи ние сме до тебе, а очите им се насолзени.

Луѓе, знам дека ве замарам со моите маки но разберете ме дека ми е тешко и имам потреба да ви кажам како се чувствувам, бидејќи вие сте со мене и ако не сте вие, јас не би можела да дојдам ни до овде и да одам на лекување во Русија. Ви благодарам и продолжете да ме поддржувате.

Инаку, Ирена неодамна сподели фотографија од нејзината мајка со зборовите:

„Среќен роденден мамичке, биди ми здрава жива среќна и секоја замислена желба нека ти се исполни. Среќна сум што имам мајка како тебе и фала ти што ме изгледа и порасна и што до ден денешен ме гледаш иако имам 27 години. Те сакам, мамо“, напиша Ирена на Фејсбук под следната фотографија.