Додека целата македонска јавност е во паника од ширењето на коронавирусот, Бојан Јовановски денеска во судницата листаше фотографии од неговиот профил на „Инстаграм“ во обид да докаже пред обвинителството дека скапата брендирана гардероба можел да си ја приушти уште во 2013 и во 2014 година, многу порано пред да стане првоосомничен во аферата „Рекет“.
Овој негов гест нѐ инспирираше да ја прелистаме богатата архива со фотографии од Боки 13 кои се достапни на глобалната мрежа. Како најинтересни ни се видоа оние од најрана возраст, на кои јасно се гледа дека поранешниот шоумен имал сосема обично детство и дека не живеал отсекогаш луксузно.
Пред неколку години на „јутјуб“ осамна документарец за тогашниот „прв човек на меѓународната асоцијација за човекова и социјална заштита“, а во кој се најдоа и неколку стари семејни фотографии на кои Јовановски е прикажан како скромно и сосема нормално дете кое било исклучително приврзано за бабите.
Погледнете дел од нив!