Филипче со добри вести: Намален бројот на новозаразени со коронавирусот во Македонија- еве кога ќе пристигнат и поголеми дози на вакцини
Соочени со третиот бран на заразата со коронавирусот во Македонија беше воведен полициски час од 20 часот до 05 часот наутро со цел да се намалат бројките на новозаразени со коронавирусот.
Сепак министерот за здравство, Венко Филипче во изјава за новинарите пред А1 Арената Борис Трајковски, рече дека конечно е бранот стивнува и дека денеска за разлика од изминатите неколку недели кога имав, ме и по 1400 новозаболени, денеска бројката на новозаразени ќе биде под 900.
-По мини пикот во смисла на голем притисок на почетокот на неделата, бројките на новодијагностицирани со Ковид-19 се пониски. Вкупниот број новодијагностицирани повторно бележи пад под 900, некаде околу 890. За кратко време ќе излезат и официјалните информации. Тоа сето го гледаме и во болниците во Скопје и ширум државата. Навистина тој притисок, кој го имаше претходно, го нема, рече денеска Филипче.
Во текот на вчерашниот ден пак беа регистрирани нови 949 случаи на Ковид-19, од вкупно направени 3.610 тестирања. Оздравени се 737 пациенти, а починаа 33 лица.
Филипче пред новинарите не даде конечен одговор дали ќе има или нема продолжување на рестриктивните мерки по 20 април, туку наведе дека се ќе зависи од епидемиолошката состојба и показателите кои се следат при носењето на одлуките за нивно воведување.
-Нема да има ниту еден друг параметар или критериум освен заштита на здравјето, а во таа смисла процена на епидемиолошката состојба која ќе биде причина мерките да продолжат или да се модифицираат, рече министерот за здравство.
Министерот Филипче исто така кажа кога се очекуваат да пристигнат и нови вакцини, а според најавата, а 19 април ќе стигнат 10.000 вакцини на „Фајзер“, а на 26 април уште 10.000.
– Утрово ја добивме потврдата од Кинеската амбасада дека 200.000 кинеските вакцини треба да ги очекуваме околу 28 април, додаде Филипче.
Досега во земјата се направени вкупно 677.988 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 144.111, бројката на оздравени пациенти е 119.683, на поч-инати е 4.322, а бројот на активни случаи изнесува 20.106.
Според епидемиолошки анализи во моментов, четири градови се со четирицифрен бројки на активни случаи на коронавирусот, еве каква е дистрибуцијата по градови:
Дистрибуција по градови заболени (вкупно) Активни случаи (вкупно)
Скопје 64144, активни 9161
Куманово 7818, активни 1257
Прилеп 7730, активни 1026
Тетово 6785, активни 674
Битола 5509, активни 1291
Велес 5096, активни 775
Гостивар 4922, активни 507
Кавадарци 4904, активни 584
Штип 4637, активни 458
Охрид 4611, активни 802
Струмица 3686, активни 536
Струга 2834, активни 252
Кочани 2530, активни 317
Кичево 2282, активни 312
Неготино 2082, активни 262
Гевгелија 2066, активни 362
Свети Николе 1394, активни 143
Крива Паланка 1155, активни 92
Ресен 1155, активни 238
Радовиш 1023, активни 146
Берово 953, активни 104
Делчево 910, активни 87
Дебар 894, активни 59
Пробиштип 743, активни 64
Виница 706, активни 105
Валандово 612, активни 103
Крушево 452, активни 102
Богданци 453, активни 71
Демир Капија 390, активни 49
Демир Хисар 353, активни 53
Кратово 346, активни 23
Македонски Брод 341, активни 40
Пехчево 245, активни 19
Македонска Каменица 220, активни 11
Дојран 130, активни 21.
