Познати актерки во улога на модели
На ревијата во Париз на „Miu Miu“ покрај топ моделите како Наоми Кембпел и Адријана Лима, во луксузниот хотел Регина неочекувано се прошетаа и познатите холивудски дами. Па така во ѕвездената постава на ревијата беа познатите актерки Клои Севињи, Џејми Кинг и Кејт Босворт, потоа ѕвездите од сериите „Stranger Things“ и „Game of Thrones“ Садие Синк и Гвендолин Кристи, но најмногу внимание на јавноста го привлече појавувањето на 48 годишната Ума Турман која со својата специфична појава и висина од 1.83 сантиметри и те како им конкурираше на дамите од светот на модата.
Познатата актерка која се прослави со култните филмови на режисерот Квентин Тарантино се појави со мокра коса и комбинација во која доминираат впечатливи бои и дезени. Таа беше главна ѕвезда на гламурозната ревија и додека многубројните модели се обидуваа да го задржат сериозниот израз на лицто, Ума со насмевка и вродениот талент за одење на писта докажа дека покрај кариерата како актерка одлично се снаоѓа и во улога на професионален модел.
