Уживајте уште малку во сончевите денови, ќе ни се расипе времето, еве кога доаѓаат дождови

Веќе подолг период не служи убаво и топло време погодено за прошетки и за земјоделски работи Така ќе продолжи и во наредните неколку денови.

Утре се очекува повторно да биде сончево со мала до умерена облачност, ќе дува умерен, а во западните делови повремено засилен ветер од југозападен правец.

фото пекселс

Сонце ќе го грее и Скопје, повремено ќе има и облаци, што велат хидрометеоролозите ќе биде сончево со мала до умерена облачност и со слаб северозападен ветер.

Минималната температура утре ќе се движи во интервал од 5 до 13°C, а максималната од 21 до 27°C.

фото пекселс

Кон средината на следната недела по одделни котлини ќе има појава на утринска магла и локални врнежи од дожд.

Од вторник облачноста ќе се зголеми, а во среда кон крајот на денот и во четврток претпладне ќе има врнежи од дожд.

Се очекува дневната температура од четврток да се намали за околу пет степени, така што кусите ракави ќе мора да ги замените со есенско палто. Веќе на крајот од денот петок спрема сабота нема да можеме од дома да излеземе без чадор.

фото пекселс

Еве што прогнозира Хидрометеоролошкиот завод за последниот ден од октомври и првите денови од ноември.

Прогноза за 31.10.2023 носи минимална температура: 2°C до 10°C, а максимална температура ќе биде од 20°C до 26°C.

Умерено до значително облачно. Ќе дува слаб до умерен ветер од југоисточен правец, кој вдолж Повардарието наместа ќе засилува.

Прогноза за 01.11.2023 ветува минимална температура: 6°C до 13°C, а максимална температура: 19°C до 26°C

фото пекселс

Променливо облачно, кон крајот на денот и во текот на ноќта со локални врнежи од дожд. Ќе дува слаб до умерен ветер од северозападен правец.

На 02.11.2023 ќе имаме минимална температура: 5°C до 13°C. Максимална температура ќе се движи од 15°C до 22°C

фото пекселс

Претпладне облачно со повремен дожд, попладне облачноста ќе се намали.