Грција и Бугарија ги отвораат границите за Македонците.
Грција денес го објави списокот со 29 земји чии државјани ќе можат да пристигнуваат од 15 јуни.Албанија, Австралија, Австрија, Северна Македонија, Бугарија, Германија, Данска, Швајцарија, Естонија, Јапонија, Израел, Кина, Хрватска, Кипар, Латвија, Либан, Нов Зеланд, Литванија, Малта, Црна Гора, Норвешка, Јужна Кореја Унгарија, Романија, Србија, Словачка, Словенија, Чешка и Финска, се дел од списокот.
Посетителите од тие земји би можеле да бидат тестирани за вирусот по принципот на случаен примерок, соопштило тамошното Министерство за туризам.Според нив на патниците од тие земји ќе им биде дозволено да влезат во Грција со директен летови до Атина и Солун.
Воедно денеска и соседна Бугарија најави дека од 1 јуни ќе го укине задолжителниот 14-дневен карантин за граѓаните на повеќето земји од Европската унија, Србија и Северна Македонија, но не и за земјата со најголем број заболени со коронавирус, изјави главниот бугарски здравствен инспектор Ангел Кунчев, пренесе Ројтерс.
