Убава Македонка му го ОСВОИ СРЦЕТО, хрватскиот ракометар стана македонски зет – Душица е ВИСТИНСКА УБАВИЦА

Тој Хрват, а таа Македонка. Нивната љубов цвета и наскоро ќе ја крунисаат со брак.

Игор Карачиќ е хрватски ракометар кој настапуваше за ракометниот клуб Вардар. Прогласен е за ракометар на годината во Хрватска, а признанието доаѓа по освоената титула со Вардар во Келн, како и по признанието за најкорисен играч на завршниот турнир во Лигата на шампионите.

Во едно свое интервју откри дека љубовта на својот живот ја запознал токму во Македонија.

„Тоа е приказна за цел живот, осум години поминав таму, Скопје ме врза за цел живот. Македонците напишаа дека можеби ќе живеам таму, но не е така, јас сум повеќе за потегот од Мостар кон југ. Вистина е дека во Скопје ја најдов и љубовта, но тоа не значи дека ќе се вратам таму.

Со отидов од спортски причини,затоа што некои работи престанаа да функционираат. Добив одличен договор во Полска, добив врвен клуб и прилика да се остварам како играч. Келце е одлична екипа, и само треба да продолжиме така понатаму. Нема сличности со Вардар, тоа не е за споредба, различен е менталитетот“, вели Карачиќ за хртватските медиуми.

Негова најголема поддршка е убавата Македонка, манекенката Душица Андоновска која потекнува од Струмица. Македонската јавност ја знае по многуте видо спотови на кои таа се појавува.

Заедно се повеќе од една година, а дека нивната љубов цвета говори и тоа што Душица е речиси на секој негов натпревар, без оглед дали станува збор за натпревар за репрезентацијата или неговиот матичен клуб – Кјелце.

Ретко споделуваат фотографии на социјалните мрежи, но кога ќе го сторат тоа обичо е од некој романтичен чин што го приредуваат еден на друг.

Романтичниот Карачиќ по повод роденденот на Душица ѝ подари големо плишано мече, на кое беше залепена нивна заедничка фотографија, а во опис се потруди и напиша емотивна порака на македонски.

„На овој посебен ден се роди една посебна личност. Среќен роенден. Те сакам многу“, напиша ракометарот, а таа му возврати дека и таа го сака.

Минатата година почна да се шпекулира дека Игор ја освоил убавата Македонка и тоа уште додека играл за РК Вардар каде помина неколку години.

Имено, тие прво биле само пријатели, а потоа нивната љубов преминала во нешто поголемо.

Откако Карачиќ ја промени адресата на живеење и потпиша со полскиот шампион Кјелце, Душица даде отказ од своето работно место од Скопје, ги спакува куферите и се пресели да живее кај него.

Парот Божиќните празници ги помина во Мостар, а Душица со својот избраник била и во Загреб за време на подготовките за Европското првенство.

Подоцна беше објавено дека Игор клекнал пред убавицата, а среќните вести ги откри самиот тој на социјалните мрежи, објавувајќи фотографија од нејзината рака на која сјае прекрасен веренички прстен.

Игор својата девојка ја изненадил со листови роза на подот во облик на срце, а во средина напишал „Сакаш ли да се омажиш за мене?“

Во интервју за Репортер убавата Душица изјави дека воопшто не очекувала прстен во време на пандемија, но потоа дознала дека прстенот бил нарачан 3 месеци пред почетокот на пандемијата, што значи дека ништо не го спречило Карачиќ да ја запроси. Ракометарот ја привлекол со својот карактер, нормално и убавина.
Што се однесува до свадбената церемонија тие планираат истата да се одржи во Мостар.

„Свадбата се подготвува и се надеваме дека нема да ни се променат плановите поради пандемијата. Ќе биде во јуни во Мостар и ќе правиме една свадба за да може нашите блиски да бидат во исто време присутни. Организацијата е голема, па некако избравме да организираме сè на едно место. Игор е од Мостар, ќе има повеќе гости, па затоа таму беше и природен избор“, открива Душица за „Репортер“.

Игор е миленик на женската публика, но Душица одлично се носи со неговата популарност. Навикната е на тоа да му приоѓаат луѓе, да бараат автограм од него и да се фотографираат. Градат квалитетен однос и токму тоа ја прави нивната врска сериозна.

Таа е негова најголема поддршка и кога губи и кога добива.

А за тоа како таа и Игор меѓу себе зборуваат, низ насмевка вели: „На почетокот јас македонски, тој македонски и хрватски, но сакајќи да го усовршам хрватскиот, еден добар период зборувавме само хрватски. Сега кога како, и македонски и хрватски“.

Душица има и сестра близначка, Марија.

Марија е исто така во рска со ракометар на РК Вардар, Кристијан Десингер.

Двајцата се доста поактивни на социјалните мрежи и често споделуваат нивни заеднички роматични фотографии.

Марија ја откри нивната љубовна врска објавувајќи фотографија за роденденот на ракометарот.
„Среќен роденден за мојот број 1. Ти благодарам што си моја личност“, напиша Марија.

Душица вели дека да се има сестра близначка е исто како нормална сестра, само што е физичка копија на тебе.

Она што е интересно вели дека кога ја боли стомак нејзе те боли и тебе.

„Па, еве, ми се случува да ѝ се јавам од Полска и да ѝ кажам – знам дека те боли стомакот, напиј се апче, ме боли и мене од тебе. Ние сме три сестри и сме многу блиски и далечината ни паѓа тешко и нам и на родителите, што е нормално, но во денешно време со целата технологија што постои сепак е полесно“, изјави Душица.