Тренд што го обожава Кардашијан, но и македонската Пинк ѕвездичка – најнеобичните панталони што сме ги виделе досега
Без разлика дали ни се допаѓаат или не, едно е сигурно – тие се хит и многу трендетерки ги обожаваат.
Да се покаже што повеќе „кожа“ е во мода веќе некое време (овој тренд посебно важи за жените), а дизајнерите сега направија и еден чекор понатаму и претставија панталони со отвори на поприлично необично место.
Имено, скинатите фармерки веќе не се ИН и на нивно место доаѓаат длабоки фармерки со отвори во пределот на колковите.
И додека колекциите за 2021 година изобилуваа со дупки, вакво модели дефинитивно се нешто што досега не сме го виделе.
Тие веќе се голем хит во светот и ги обожаваат многу девојки како што се Ријана, Бела Хадид и Ким Кардашијан.
https://www.instagram.com/p/CQrPPLthpRv/
Што се однесува до нашите пејачки, овие денови можевме да ја видиме и Антониа Гиговска во сличен модел.
Таа избра кожна варијанта што ја носеше со „кроп топ“ и текас јакна, а во центарот на вниманието беа колковите и стомакот.
Она што можеби најмногу допринесе за популарноста на овие необични модели е што се покажаа како поприлично интересни и впечатливи за позирање за социјалните мрежи, па многу девојки не можеа да им одолеат.
Тие се интересни за комбинирање со краток горен дел кои исто така им се омилени на новите генерации, а единствената мана им е што не се многу премногу практични за студените зимски денови, како и што некои од нив изгледаат премногу провокативно, па едноставно не ги сакаат сите.
Сличен модел неодамна „фураше“ и Кија Коцкар, која за разлика од Гиговска избра покласична, бела варијанта.
Инаку овој тренд со прорези на необични места е популарен веќе неколку сезони и може да се најде и кај фустаните.
Во светот голема прашина подигна фустанот што го носеше Ким Кардашијан, кој можеби и најмногу допринесе за овој тренд.
Како таа изгледаше во ова издание, но и неколку други „стрит-стајл“ изданија на познатите блогерки погледнете во продолжение.
