Тренди: Оваа фризура го запали Интернетот, а можеш и сама да ја направиш дома, еве како (ВИДЕО)

Социјалните мрежи, сакаме да признеме или не, влијаат на нашиот живот во многу сегменти. Посебно ова се однесува на креирањето на актуелни трендови во светот на модата и убавината. Последниот во низата е т.н. плетенка со меурчиња, а оваа хит летна фризура во најава забележа пораст на пребарувањето на Пинтерест од дури 155 отсто.

Мора да признаеме дека е разбирлива заинтересираноста за овој начин на стилизирање на косата кој делува многу опуштено и лелеаво, а истовремено и женствено.

Упатствата се многу едноставни

Станува збор за фризура на плетење на два дела од косата околу средниот прамен, слично на традиционалната плетенка, но со едно виткање. Сепак, веднаш во старт да нагласиме дека за оваа фризура потребни се повеќе ластичиња, но нека не те обесхрабрува тоа, во обидот да си креираш една ваква плетенка. Исто така, целиот процес всушност е многу едноставен и деталите може да ги подледнете во следното видео:

https://www.instagram.com/p/B_sxOjDBYfp/

Подели ја косата на половина како да сакаш да направи две репчиња, а потоа издвои само еден дел и тој подели го на три прамени. Но наместо да ги плетеш меѓусебе еден од нив нека ти служи како своевидна основа околу која ќе се завртат другите два и ќе се подврзат со ластиче. Кога ќе го направиш тоа полека рашири го подврзаниот дел за плетенката да добие на волумен. Оваа постапка повторувај ја се до врвовите.

Пробајте нови форми

Кога ќе ги совладаш основите можеш да се обидеш со низа различни фризури на кои протнатата плетенка ќе им биде основа.

Освен како двојна, можеш да ја носиш како една плетенка. Исто така, не е потребно да ја исплетеш до крајот туку може да останат рамни врвови и така да се направи високо репче кое во горниот дел ќе има плетенка. Посебна убавина на оваа фризура е што може да ѝ додаваат украси како различни шноли, ленти или марами и така да ѝ се додаде сосема нова димензија.