„Јазикот е нашата татковина“ – ќе рече Блаже Конески.

Денеска е Ден на мајчиниот јазик. Во знак на овој заокружен датум во календарот ( 21 февруари) издвојуваме неколку понови дела направени со автентичен македонски јазик од „перото“ на типографот Ласко Џуровски.

Да ја зачуваме македонската кирилица. ❤ Вчера се роди нов македонски кириличен фонт, го нареков „Стих“. Инспириран е од писмото употребено за насловот на книгата „Стихои“ од Гого Ивановски издадена пред 76 години, во 1948. Еве малку статистика: до сега, по околу 30 часа работа, со куси прекини за одмор, успеав да дизајнирам вкупно 61 кирилична буква од македонската азбука, поточно сите мали букви, неколку големи и неопходните интерпункциски знаци. На примерот подолу можете да видите како изгледа „Стих“ во употреба, сосема разбирливо, за презентација одбрав песна од Гого Ивановски –  напиша Џуровски.

Погледнете во продолжение неколку негови иснпиративни дела.

Фотографиите јавно објавени се позајмени од фејсбук-профилот на Ласко Џуровски.