Тоше Проески ќе ја добие својата прва улица во Србија

Едно село во општина Панчево во Србија одлучи една улица да ја крсти по покојниот македонски пејач Тодор Тоше Проески.

Имено, улицата во селото Јабука кое се наоѓа во непосредна близина на Белград ќе го носи името на познатиот македонски пеач – 12 години по сообраќајната несреќа кај Нова Градишка во Хрватска каде Тоше го изгуби животот.

И тоа е прва улица во Србија која ќе го носи името на нашиот пеачки маестро од Крушево, пренесува Блиц.

Предлогот е испратен до Собранието на градот Панчево и се очекува да биде усвоен од пратениците.

Инаку, воопшто не е случајно, бидејќи во Јабука живеат голем број Македонци кои сакаат на овој начин да му се одолжат на Тоше.