Том Круз поради корона вирусот го прекина снимањето на филмот: Ги спакува куферите и побегна од Италија

Том Круз, како што пренесуваат странските медиуми, го прекинал снимањето на седмиот дел на филмот „Невозможна мисија“ во Италија, поради корона вирусот кој стигна во таа земја.

Снимањето на „Невозможна мисија 7“ е прекинато, а екипата на филмот, во која главната улога ја толкува Том Круз, ја напушти Италија, пишуваат италијанските медиуми.

Тие ги спакувале куферите и заминале од Венеција, каде снимале кадри за овој акционен серијал.

-Поради големата загриженост за безбедноста и добросостојбата на нашата екипа, а по совет на венецијанските власти за да се избегнуваат јавни собирања додека не се извести поинаку, одлучивме да го запреме планираното тринеделно снимање во Венеција, соопшти студиото „Парамаунт“.