ТИНЕЈЏЕРОТ КОЈ ГО КРЕНА СВЕТОТ НА НОЗЕ ПРИЗНА ДЕКА ЛАЖЕЛ ЗА ДЕТАЛИТЕ ОД БЕГСТВОТО: Еве што сакал да сокрие…
Алекс сега живее во Манчестер со својата баба
Тинејџерот од Велика Британија, Алекс Бати, кој по шест години беше пронајден во Франција, во интервју за британскиот таблоид „Сан“ откри дека лажел за деталите од бегството за да ги заштити мајка си и дедо си од полицијата.
Во интервју за The Sun, тој рече дека ја измислил приказната за четиридневното патување со надеж дека тоа ќе ја спречи полицијата да им влезе во трага. Иако првично тврдеше дека се изгубил и пешачел неколку дена, Алекс сега вели дека тоа било лага.
“Ги излажав за да ги заштитам мама и дедо ми, но тој сфаќа дека најверојатно ќе ги фатат. Не се изгубив, точно знаев каде одам”, рекол тинејџерот.
Тој рече дека поминал шест години талкајќи низ Европа со мајка му и дедо му и првпат размислувал да замине кога имал 14 години.
Тој конечно се врати во Велика Британија минатиот викенд и вели дека сега престојува кај баба му Сузан во Олдам.
„Првите неколку години кога бев во Шпанија беше навистина убаво, повеќето денови ги поминував правејќи што сакам, читајќи, цртајќи, одејќи на плажа“, вели Британецот.
Алекс потоа додаде дека на 14-годишна возраст почнал да се занимава со чудни работи во градежништвото, декорацијата, бојадисувањето ѕидови и реновирањето.
Искрено, немав социјален живот“, рече Алекс.
Тинејџерот тогаш рекол дека не одел на училиште, туку учел јазици и математика кога наишол на учебник.
„Во текот на целиот период од шест години, стекнав само еден пријател на моја возраст“, изјави Алекс во исповед за британски таблоид.
Зошто решил да ја остави мајка си?
Зборувајќи за неговата мајка, која тој ја опиша како антиваксерка, Алекс рече дека таа е одлична личност и дека ја сакам, но таа едноставно не е одлична мајка.
“Се скарав со мајка ми и само решив да заминам бидејќи не можев повеќе да живеам со неа. Сфатив дека тоа не е добар начин да ја поминам мојата иднина”, додал тој.
Потоа откри каков веројатно би бил неговиот живот доколку останел со својата мајка.
„Да бев со мајка ми, ќе се селев цело време, немаше да имам пријатели, немаше да имам социјален живот, само ќе работев, немаше ништо да научам“, рече тој.
Кога Алекс ја напуштил изнајмената куќа во која живеел во Франција, и оставил на мајка си проштална порака.
Кога побегнал од мајка си, Алекс бил пронајден на патот од доставувач на лекови и го земал со него.
“Доставуваше пакети, па му помогнав бидејќи тоа беше најмалку што можев да направам. Ме пушти да му го земам телефонот и да и се јавам на баба ми. После тоа повика полиција и ме однесе до најблиската полициска станица”, рекол Алекс.
Тој сега живее во областа на Манчестер со својата баба.
“Кога се вратив во Манчестер врнеше како и обично. Ме вратија кај баба ми, таа ме чекаше во дневната соба. Кога ја видов почнав да се тресам и силно ја прегрнав. Куќата е поинаква сега, но чувството е исто“, додаде тој.
Полицијата се уште трага по мајката на Алекс, а според последните проценки таа можеби е во Финска.
