Стравуваат дека се заразени од коронавирусот: Славниот пар разменува нежности без контакт, додека се во изолација – испратија важна порака

Манекенката и музичарот имаат оправдани причини да се сомневаат дека се заразени од коронавирусот и веднаш ги спроведоа мерките за безбедност.

Манекенката Хајди Клум и нејзиниот сопруг Том Каулиц стравуваат дека би можеле да бидат заразени од коронавирусот, па не сакаат да имаат физички контакт. Додека не ги добијат резултатите од тестовите, решија да стојат понастрана еден од друг – но не можат целосно!

Тие двајцата се снимени како се бакнуваат преку стакло, а моментално се наоѓаат во изолација дома и така функционираат засега.

„Како и многумина од вас, и јас целата мината недела бев болна, како и мојот сопруг кој пред неколку дена се врати од турнеја. За да бидеме сигурни, одвоени сме еден од друг додека не ги добиеме наодите од тестовите на коронавирусот. Не сакаме да загрозиме никого, а колку и да сакам да го прегрнам и бакнам, поважно ми е да внимаваме. Ова се тешки времиња, но важно е да се потсетиме што ни е битно во животот – луѓето кои ги сакаме и грижата за нив“, напиша Хајди Клум на Инстаграм.

https://www.instagram.com/p/B9vJ3QvJy1c/?utm_source=ig_embed