Американска компанија направи домашен тест кој ќе помогне полесно да се дијагностицира коронавирусот. Фирмата Everywell вчера го промовира тестот кој ќе се дистрибуира директно до потрошувачите.
Луѓето кои имаат симптоми на Ковид-19 ќе можат да аплицираат затестот преку интернет. Ќе пополнуваат прашалник кој ќе го прегледа лекар од PWN Health. Прво ќе се отстрануваат можностите од други респираторни болести, па дури потоа личноста ќе може да го купи тестот преку официјлната интернет страница на Everywell.
Кога тестот ќе стигне до потрошувачот, со себе ќе има сѐ што му е потребно, нормално со одобрување од лабораторија. Дигиталните резултати ќе треба да бидат готови по 48 часа од доставата на примероците во лабораторија.
Овие тестови Во Америка со сигурност ќе помогнат во дијагностицирање на што е можно повеќе случаи на коронавирус во државата. Покрај тоа, собирањето на примероци во домашни услови дополнително ќе го спречи ширењето на вирусот.
