Старата екипа – Сара, Наташа, Трајче и Раде со своите деца се дружеа со новите ѕвезди во „Дајте музика“

Најпопуларната музичка серија за деца “Дајте музика”, започна да се снима по речиси 30 години пауза.

Фото: Инстаграм

Сега, оваа збавана емисија повторно започна со снимање, овој пат од страна на актерската школа на Весна Петрушевска под стајлинг водство на Цаци Паковска.

Вистинските богатства доаѓаат од срцето, креативноста и љубопитноста. Музиката може да биде и временска машина, да ве одведе во друго време, на друго место. Потикнете ги вашите деца да ја сакаат музиката, но…онаа вистинската. Главни протагонисти од новото продолжение на „Дајте музика“ се Јован, Филип, Тео, Кики, Наташа и Саша, а ќе бидат вклучени уште дваесеттина други деца, на возраст од 6 до 11 години, напишано е на Фејсбук профилот на „Дајте Музик“а.

Викендов на снимањето присуствуваа Сара, Наташа, Трајче и Раде.Тие ќе бидат дел од  новите епизоди од продолжението на популарното забавно-музичкото шоу, 27 години по емитувањето на детскиот серијал.Првата генерација актери ги понесоа и своите деца и заедно се дружеа со новите мали ѕвездички од шоуто.

Фото: Фејсбук