Се омажи внуката на филмската дива Грејс Кели – принцезата Шарлот ги изненади сите со изборот на венчаницата
Шарлот Касираги (32), внуката на Грејс Кели и ќерка на принцезата Каролина од Хановер се омажи со францускиот филмски продуцент Димитри Расам (37), инаку син на познатата француска актерка Карол Буке.
Како и повеќето денешни невести и Шарлот Касираги, внуката на принцезата Грејс Кели и ќерка на Каролина, принцезата од Хановер, не можеше да му одолее на трендот да ја пресоблече првата венчаница по официјалната церемонија и да го облече вториот невестински фустан.
И секако дека постои разлика од времето кога Грејс Кели стоеше под олтарот – таа тогаш стана принцеза, а беше и една од најголемите холивудски ѕвезди во тоа време. Но и покрај овие разлики, многумина се изненадија од изборот на нејзината внука, Шарлот, очекувајќи значително погламурозен пристап од неа во изборот на венчаницата.
Имено, по церемонијата во палатата во Монако, во поприлично краток фустан од брокат со потписот на модната куќа Сен Лорен, принцезата се пресоблече во друг фустан. Очигледно е дека оваа креација е инспирирана од фустанот што нејзината баба Грејс го носеше во цивилната венчална церемонија со принцот Рение во 1956 година.
Во прашање е сатенски фустан од Шанел без прерамки, со деколте во „V“ израз и тесна половина, со прорез на средината. Но и покрај сличностите, постои и значајна разлика, особено ако земеме во предвид дека венчаницата на Грејс Кели важи за една од најженствените, и истовремено и најделикатните, но и најубавите венчаници на сите времиња.
За разлика од неа Шарлот за овој посебен ден во нејзиниот живот избра минимализам. Но покрај фустанот инспириран од холивудската дива, Шарлот носеше и дел од спомените на неа во вид на прекрасни модни додатоци.
Во прашање е преубава дијамантска огрлица Картиер од колекцијата на накит на принцезата Грејс.