Се огласи синот на Есма во врска со хаосот во нејзината куќа: „Нас децата не нѐ мешајте“

Синот на Есма откри кој е виновникот за негрижата за нејзиниот спомен.

Симеон Атанасов е еден од 47-те синови кои Есма Реџепова Теодосиевска ги посвои во текот на животот.

ФОТО: Принтскрин

Тој постојано јавно бара правда за својата мајка, односно ги повикува надлежните да преземат нешто за нејзиниот дом да не пропаѓа.

Поминаа години од згаснувањето на животот на Есма, но сѐ уште никој не се најде да ги исполни нејзините барања, ниту да ѝ направи достојно вечно почивалиште.

Целиот свој имот Есма го остави на Македонија. Таа постојано велеше дека нејзините пари биле направени од концерти за кои луѓето плаќале билети и затоа своето богатство го остави на народот.

Сепак, сѐ што таа создаде пропаѓа и никој не се грижи за она што таа го остави. Во нејзината куќа владее пустош, а и нејзиното гробно место е занемарено.

Деновиве нво јавност се појавија нови фотографии од внатрешноста на куќата, која требаше да биде музеј. Фотографиите се доказ дека сѐ уште ништо не е преземено во врска со тоа прашање.

ФОТО: Принтскрин

Симеон се огласи на Фејсбук во врска со оваа ситуација:

„Изминативе неколку години во неколку наврати во мои интервјуа се потрудив да ја објаснам целата ситуација околу тестаментот на мојата мајка Есма Реџепова – Теодосиевска. Ве молам во вашите коментари на последниот текст во www.vecer.mk, нас децата не не мешајте, затоа што нас не боли се ова што се случува, но не сме моќни ништо да направиме за да се исполни желбата на нашите ментори Есма и Стево Теодосиевски. Државата, поточно министерството за култура е единствен наследник на целиот имот, и ако некој е виновен за се што се случува тоа е оваа политичка гарнитура, која што не се грижи за ништо, а најмалку за овој дом кој што впрочем е подарок на Македонија“.

ФОТО: Принтскрин

ФОТО: Принтскрин

ФОТО: Принтскрин

ФОТО: Фејсбук / Симеон Атанасов

ФОТО: Фејсбук / Симеон Атанасов