Секојдневното конзумирање на кафе и алкохол може да ви го продолжи животот
Ако се чувствувате винa дека пиете чаша кафе или неколку капки алкохол, повеќе нема потреба да си се обвинувате, бидејќи научниците од Универзитетот во Калифорнија во Ирвин дојдоа до заклучок дека овие две работи можат да ви помогнат да живеете подолго.
Имено, во рамките на истражувањето, научниците ги следеле навиките од 1600 лица и дошле до заклучок дека оние што пијат умерени количини на алкохол или кафе живеат подолго од оние кои се воздржуваат.
“Јас немам објаснување, но цврсто верувам дека умереното пиење влијае на долговечноста”, вели д-р. Клаудија Кавас, која го водеше истражувањето.
Клучот, секако, е умереноста. Оние што пиеле две чаши пиво во текот на студијата ги намалија шансите за предвремена смрт за 18 отсто. Две чаши кафе дневно ги намалија шансите за десет проценти.
Фокусот на ова истражување, кој се спроведува од 2013 година, беше на луѓето постари од 90 години, бидејќи научниците сакаа да сфатат кои фактори влијаат врз долговечноста.
Позитивен здравствен ефект, со исклучок на умерено пиење на алкохол и кафе, имаа и редовните вежби и хоби.
Луѓето што имаат хоби и се занимаваат по два часа дневно имаат помала шанса за предвремена смрт за 21 отсто, додека оние што се занимаваат со физичка активност од 15 до 45 минути дневно се намалија за 11 проценти.
