Сакал да убие носорог од загрозен вид, па го прегазиле слонови, а потоа го изеле левови

Од него останале само главата и облекета

Неименуван ловокрадец кој влегол во националниот парк Кругер во Јужноафриканската република починал откако го прегазиле слонoви. Но неговото тело не можеле да го пронајдат бидејќи потоа го изеле лавови, а се претпоставува дека дошол да лови загрозен вид на носорози.

Покрај несреќникот што загинал со него биле уште четворица други мажи, но тие имале повеќе среќа па завршија во затвор. Полицијата ги улови додека се обидуваа да избегаат од националниот парк, во кој е забрането движење, а кога ги уапсиле, на полицајците им раскажале дека еден од нив бил прегазен од слоновите.

Вработените чувари од националниот парк тргнале да го бараат телото на несреќниот маж, кое останало на местото познато како „Crocodile Bridge“.

Тие во потрагата тргнеле со мал авион. Телото на несреќникот го барале неколку дена се додека не заклучиле дека човекот бил изеден од лавовите, а останала само облеката и главата на ловокрадецот што ги нашле во близина на местото.

„Влезот во националниот парк Кругер не само што е илегален туку е и опасен бидејќи постојат бројни опасности. Ни беше многу тешко да ја гледаме ќерката на починатиот маж, особено затоа што не можевме да го најдеме неговото тело“, изјави управителот на паркот Глен Филипс, изразувајќи сочувство до семејството на ловокрадецот.