Пристигнаа добри вести од Германија: Кривата на раст на заразените полека се израмнува, еве кои мерки придонесоа за тоа
Шефот на германскиот институт за јавно здравство тврди дека стапката на зараза од новиот коронавирус во земјата покажува знаци на израмнување, истакнувајќи го успехот на социјалните мерки за дистанцирање усвоени во целата држава.
„Забележуваме знаци дека експоненцијалната крива на раст на заразените полека се израмнува, рече Лотар Вилер, шеф на Институтот „Робет Кох“.
Германија беше меѓу првите европски земји кои воведоа низа мерки за реагирање во вонредни ситуации, вклучувајќи и затворање на училиштата и сериозна редукција на јавните собири.
Моментално во Германија има 25.787 случаи на инфекции со коронавирусот со 106 смртни случаи. Инаку, 266 лица се опоравија од вирусот.
Во меѓувреме германската канцеларка Ангела Меркел сместена е во карантин после контакт со лекар кој заболел од коронавирус.
