Принцот Хари се шета со скинати кондури, а Меган Маркл носи чизми од неколку илјади евра
Меган Маркл за кратко време стана модна икона број еден, а во тоа и помага цел тим професионалци.
Но и покрај нивната помош карактеристично за неа е што не дозволи да биде нешто што не е, односно му остана верна на својот препознатлив моден израз кој повеќе или помалку, го имаше и пред да стапне на кралскиот двор.
Па така при посетата на Австралија и Океанија новопечената војвотка носеше дузина прекрасни модни комбинации за кои уште долго време ќе се зборува, од сексапилни до максимално префинети изданија.
И додека таа носи чизмички со високи потпетици од Стјуарт Вајцман или салонки од Маноло Бланик за кои треба да искеширате неколку илјади евра, нејзиниот сопруг, принцот Хари, не е премногу загрижен како ќе изгледаат во јавноста неговите модни комбинации. Тоа го покажа шетајќи се по кој знае кој пат во истите скинати чевли, а острото око на фотографите повторно ја забележаа дупката на ѓонот додека се качуваше во авионот за Нов Зеланд.
Но затоа пак бремената Меган Маркл блескаше со секое свое појавување во јавноста за време на турнејата.
