Пред помалку од половина година стана мајка, а сега повторно изгледа неверојатно – македонската Ева Мендез го запали Инстаграм
Шармантната поранешна водителка на „Бекстејџ“, Мартина Михајловска ги запали социјалните мрежи со своите најнови фотографии, посебно со фотографијата на која е потпрена за ѕидот, при што се гледа дека повторно е во топ форма и дека не мора ништо да крие.
„Изгледаш совршено“, „Гориш“, „Повторно си ви топ форма“, се само некои од коментарите под фотографиите.
Мартина има речиси 20 илјади пријатели и не ретко знае да ги почести со фотографии од своето совршено тело. Од фотографиите можеме да забележиме дека не е ни малку срамежлива, но и дека повторно е во топ форма и тоа само неколку месеци откако се породи.
Имено, Мартина која пошироката јавност ја запозна како една од најатрактивните водителки на „Бекстејџ“ се породи во април оваа година. Таа и нејзиниот партнер Виктор ја крстија Алана со што пријатно ги изненадија сите бидејќи името не е типично за Македонија, а преубаво звучи.
Тогаш прв нејзиниот сопруг преку социјалните мрежи ја објави веста не криејќи ја радоста, а потоа дојде моментот кога и Мартина одлучи да се пофали на Инстаграм.
„Љубовта на мојот живот се роди денеска Алана.Се што сум и се што имаме е твое!Да си ми жива и здрава, благословена од Бога, а за се друго тука е тато…Благословен и најсреќен ден во мојот живот. Мартина и мојата мала принцеза. Ве сакам двете бесконечно“, напиша тогаш Виктор.
Мартина пак, сега објави и фотографија на која се гледаат ноџињата на малата Алана, а следуваа дузина лајкови и честитки од нејзините воодушевени пријатели и обожаватели на социјалните мрежи.
Инаку Мартина пред да застане на лудиот камен беше влијателна личност на социјалните мрежи. Редовно споделуваше фотографии, а поради убавото лице беше позната како македонската Ева Мендез.
